Co i tosat i manda dir
che è nassest el nevodèt
se par caso la notizia
brinca i noni entro el let
i te salta fora svelti
i se met le robe storte
da la pressa i urta, i poncia
te i cantogn e te le porte.
E coi riva te la stanzia
rent la cuna, emozionai
a la vista del nevodo
i te resta là, impalai ;
po’ el nono fa corajo
e co i dè el proa a tocarlo
ma la nona la ghe ziga :
-alt…ti podi roinarlo..
la to man l’è massa forta
par tocar sta creatura
e la to facia stralunava
podaria farghe paura.
E intant se sbassa ela
a basarhghe na massela
la se alza, el lo rimira
po’ de colpo la se jira
de ‘l so om la varda el vis
-tut so nono- la ghe dis.
( Silvio Lancerini )