LA BRITOLA
Ai tempi de la nostra giovinezza,
pasadi in armonia e tanta contentezza,
se vivea de robe semplici e dughi all’aperto
che noaltri doveni se fea al posto de smartphon,
internet e videogiochi che ades più o meno tuti avon
La roba che ne piasea proprio tant
al era de trovarse in tanti e tuti quanti
a dugar o a contarse a voce alta
quel che se avea fat dopo l’ultima olta.
Me sente in dover de ricordar Guido che al stea
lontan, sora Scevenin ma quando che al podea
al vegnia in paese a pasar momenti bei
par trovarse co noaltri come che se fuse fradei.
La roba bela che lu l’avea sempre in te la testa l’era la ” britola”
quel cortel curvo e picenin che al avea sempre in scarsela
par poder far picoli laori o intagli su legn de cornoler
o de altro material sempre pronto da incider .
Come che al rivea in te la nostra compagnia
al ghe dea sfogo subito a la so mania,
a la so passion: na britola lucida e splendente
che al ne mostrea come oggetto raro ed avvincente.
Na matina de Pasqua, dopo la messa de le oto,
erion tuti a dugar sul “rigoleto” da Orlando, anca mi ere là
e quando che al è rivà mi ghe ho domandà:
Guido fame veder l’ ultimo sogno de la to mente
Lu, metendo le man in te le scarsele e no trovando gnente,
al è restà imbalsamà parché la so arma al la avea asada a casa.
Scuro in volto e sgorlando de quà e de là la testa
al à urlà forte: “al di de Pasqua senza britola no l’è gnanca festa,!”
E subito de corsa a casa, un’ora a piè par ndar a Scievenin come an toro
e n’altra ora par tornar par far veder a tuti al so tesoro
De ani ghe n’è pasadi tanti tanti
Guido e molti amici i è ndati avanti
e qua dò no i duga pi al rigoleto da Orlando
ma la me memoria no la è ancora al bando
e la me fà ancora veder la britola che sora le nuvole la sù in alto
Guido al ghe mostra a lori sempre più contento
parchè ades nol pol proprio più desmentegarla a casa
