LA STAMPANTE
Le prime pagine scrite se le deve ai frati
co la pena de oca e al nero dei fruti
e dele bache schinzade e de color
i a impegni intere biblioteche de valor
co volumi finemente cesellati
da batezar proprio “certosini “ i stessi frati.
Se ha vist che da quel momento in quà
Le robe le ha totalmente cambià:
carateri a piombo, le machine par scriver.
Se ha podest parfin laorar su carta e col computer
par aver stampanti de tute le sort come maghi
dal bianco e nero al color, al laser partendo dagli aghi
Ades proprio in vetta se trova an congegno
straordnario e novo novo che da un disegno
al stampa na figura solida, alta e plastica
la è la stampante tridimensionale : fantastica!
Giunto a sto punto mi me fae na domanda
al prosimo sistema ndaralo da che banda?
Mi invite i me quatro letori a tirar na conclusion
e intant mi descrive qua la me invenzion
su quel che, superando al presente.
la farà la futurissima e incredibile stampante
tra diese o venti ani opur immediatamente
e dato che ormai le tut trovà, tut già inventà,
no resta altro che costruir la vera realtà.
Par esempio se mi o bisogn de tanti matoni
par farme na caseta o dele riparazioni,
basterà darghe al disegno e in te i bidoni
depositar argilla e acqua quant che se prevede
e la stampante la scominzierà a impastar le crede
co l’acqua e far ndar al forno a pien calor
par veder a getto continuo i matoni sortir
da la boca dela stampante e, nota ben,
identici a quei che da la fornase i provien
Ma oria ndar pi avanti ancora co la fantasia
e pensar le robe pi importanti che ghen sia
cioè al magnar necessario par sfamar la gente
nel futuro : al forner basterà che al presente
al disegno de la pagnota e a cor esente
da ogni tormento, preocupazion o costo
al mete farina, lievito e acqua nel so posto
par aver le panete pronte molto presto
tante e senza nessuna fadiga né altra monada:
A sto punto ve domande: mi sone proprio fora strada?
